End of the Year BBQ Party in Reading!

CHADEMA UK inawakaribisha waTanzania na wapenzi wote wa CHADEMA kwenye barbeque (End of the Year BBQ) party itakayofanyika Comunity Hall/Back Garden, 44 Watlington street, RG1 4RJ Reading tarehe 05-10-2013.

Mgeni rasmi atakuwa ni mwanasiasa mwenye kipaji cha pekee na muhimili muhimu wa CHADEMA – katibu wa CHADEMA Arusha na kanda ya kaskazini ndugu Amani Golugwa.

Itakuwa ni siku nzuri kujiburudisha kwa nyama choma, vinywaji na muziki free of charge. Lengo ni kuwakutanisha wapenda maendeleo katika kubadilishana mawazo na kujumuika katika harakati za kimaendeleo kwa taifa.

Hii shughuli si kwa wanaCHADEMA peke yake. Kila mTanzania mpenda maendeleo anakaribishwa kuhudhuria. Ni wakati mzuri kukaa pamoja tukijiburudisha huku tukibadilishana mawazo on party lines kiutu uzima bila malumbano. Wakati ni huu kuonesha utashi na ukomavu wa kisiasa.

Chakula na vinywaji bure!!!

Karibuni wote

CHADEMA UK YAMWANDIKIA BARUA RAISI. PIA YATUMA TAARIFA KWENYE TAASISI ZA KIMATAIFA ZA KUSIMAMIA HAKI ZA BINADAMU, BBC LONDON NA BALOZI MBALI MBALI

TAMKO RASMI CHADEMA UK

CHADEMA UK awali ya yote tunapenda kutoa pole kwa waTanzania na wapenzi wa CHADEMA waliopatwa na kukutwa na janga la kurushwa kwa bomu kwenye mkutano wa CHADEMA wa kuhitimisha shughuli za kampeni za uchaguzi wa madiwani huko Arusha. Tunatuma salam zetu kuwafariji wale wote walioguswa kwa namna moja ama nyingine katika jambo hili.
Kama waTanzania, tunapinga vikali na kukemea kitendo hichi kwa nguvu zetu zote. Mazingira na jinsi kitendo hichi kilivyotekelezwa tuna kila sababu ya kuamini kwamba hili ni tendo la kigaidi. Na kwa sababu hiyo ni jukumu la mamlaka (yaani serikali) na vyombo vyake vya dola kulinda na kuepusha matendo ya kigaidi kama haya.

Mjadala wa WaTanzania UK Wafana

Kamati iliyoandaa mjadala wa waTanzania uliofanyika Reading University siku ya Jumamosi tarehe 01-06-2013 inapenda kuwashukuru sana waTanzania wote waliohudhuria. Mjadala ulikuwa wa mafanikio ulioleta changamoto ya pekee kwa watu wengi sana. Japokuwa washiriki walitoka kwenye vyama mbali mbali, dini tofauti tofauti, makabila tofauti, elimu tofauti, n.k., wakati wa mjadala kilichotawala na kuonekana dhahiri ni uTanzania. WaTanzania walionesha mshikamano wa hali ya juu kwa kuchambua topics kwa kuheshimiana na kwa weledi mzuri. Wachangiaji walionesha uelewa mkubwa katika mambo mengi sana.

Mkutano wa CHADEMA UK na Mjadala wa waTanzania

Napenda kukumbusha kuhusu mjadala mkubwa na wa kihistoria wa waTanzania utakaofanyika 3Sixty, University of Reading siku ya tarehe 01/06/2013.


Kwa taarifa tu, kutakuwa na usafiri kwa wale watakaohitaji. Usafiri wa basi utaanzia London saa 4:00 (nne kamili) asubuhi. Kama unahitaji huduma hii unashauriwa kuwasiliana na Bernad Irondo kwenye namba hii: 07804804963 kabla ya siku ya Jumatano tarehe 28/05/2013.

Mjadala wa waTanzania UK Kufanyika University of Reading

Siku ya Jumamosi tarehe 01/06/2013, waTanzania waishio UK watakutana kwa ajili ya mjadala mkubwa utakaohusu mwaswala yafuatayo: Elimu; Katiba; Muungano; na Utaifa. Mjadala utafanyika kwenye ukumbi wa mikutano wa University of Reading. Hii ni nafasi ya kipekee kwa waTanzania kuzungumzia mambo muhimu yanayoihusu jamii yetu bila kujali itikadi, imani, rangi au kitu kingine chochote. Vikundi mbali mbali vya kidini, kisiasa na kijamii vitakuwepo.

Japokuwa mjadala unafanyikia UK, waTanzania wote wenye nia ya kushiriki kutoka mahali popote pale duniani wanaweza na wanakaribishwa kushiriki. Kama ungependa kushiriki kutoka sehemu yoyote ulipo, unaweza kufanya hivyo kwa kupitia tweeter account itakayotolewa hivi karibuni.